The Inspiring Story of the Fande, Dave, and Paithane families: How Eye Donation Helped Others See the World

तीन दिवसात अमरावती मध्ये तीन नेत्रदान

तीन परिवाराने सोपवले दिशा इंटरनॅशनल आय बँक कडे आपल्या परिजनांचे नेत्रकमल

स्व. श्री. विनायक नीलकंठ फंदे (वय ५४ वर्षे), स्व. श्रीमती कुसुमबाई माणिकराव दवे (वय ७७ वर्षे) व स्व. श्री. यतींद्र पंढरीनाथ पैठणे (वय ८० वर्षे) यांचे नुकतेच दुःखद निधन झाले. कुटूंबातील व्यक्तीच्या निधनामुळे कुटूंबियांना दुःख होणे स्वाभाविक असते. तिन्ही परिवारावर सुद्धा दुःखाचा डोंगर कोसळला परंतु अशाही परिस्थितीत गरजूंना या जगातील रंग पाहता येतील या उद्दात भावनेने दवे परिवार, पैठणे परिवार व फंदे परिवाराच्या सदस्यांनी स्व. श्री. विनायक नीलकंठ फंदे, स्व. श्रीमती कुसुमबाई माणिकराव दवे व स्व. श्री. यतींद्र पंढरीनाथ पैठणे यांचे नेत्रदान करण्याचा निर्णय घेतला. यासाठी त्यांनी अमरावती मधील दिशा एजुकेशन फाउंडेशन द्वारा संचालित दिशा इंटरनॅशनल आय बँक या धर्मदाय नेत्रपेढीला संपर्क केला. दिशा ग्रुपचे सचिव श्री. स्वप्निल अरुण गावंडे, दिशा आय बँकेचे मेडिकल डायरेक्टर डॉ. मनिष बबन तोटे, श्री. हिमांशू बंड, श्री. अनिल देशमुख यांनी मरनोतर नेत्रकमळ दान करून घेण्याची प्रक्रिया पूर्ण केली.

Heartfelt Tribute to Eye Donors

 नेत्रदानाचे पवित्र कार्य केल्याबद्दल दिशा एजुकेशन फाऊंडेशन व दिशा इंटरनॅशनल आय बँकच्या अध्यक्षा सौ. कुंदा अरुण गावंडे व सचिव स्वप्निल अरुण गावंडे द्वारे फंदे, दवे व पैठणे कुटुंबियांचे आभार व्यक्त करणात आले. फंदे, दवे व पैठणे परीवाला नेत्रदान केल्या बद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात फंदे परिवाराचे श्री. अक्षय फंदे, श्री. निलेश कळंबे, श्री. चेतन नवले, दवे परिवारातील श्री. प्रज्वल दवे, कु. गौरी दवे, श्री. राहुल अंबुलकर व पैठणे परिवारातील श्री. ययाती पैठणे, श्री. निखिल तिवस्कर, श्री. नंदकुमार देव या तिन्ही परिवारातील इतर सदस्यांचे मोलाचे सहकार्य लाभले. दिशा ग्रुप व दिशा इंटरनॅशनल आय बँकच्या सर्व संचालक मंडलाने व कार्यकर्त्यांतर्फे स्व. श्रीमती कुसुमबाई माणिकराव दवे व स्व. श्री. यतींद्र पंढरीनाथ पैठणे व स्व. श्री. विनायक नीलकंठ फंदे यांना श्रद्धांजली अर्पित करणात आली.

भारतासमोर अंधत्वाची एक मोठी समस्या उभी आहे. एक व्यक्तीच्या नेत्रदानामुळे दोन कोर्नेअल अंधांना दृष्टी प्राप्त होऊ शकते. मृत्यू नंतर नेत्रदानासाठी काही काळजी घेणे गरजेचे आहे जसे मृत्यू नंतर सहा तासान पर्येंत नेत्रदान केला जाऊ शकते. त्यामोळे मृत्यू नंतर ताबडतोप दिशा इंटरनॅशनल आय बँकेला संपर्क करावा. मृत व्यक्तीचे डोळे उघडे असल्यास ते बंद करावे व त्यावर ओले कापसाचे बोळे ठेवावे. मृत व्यक्तीच्या डोक्या खाली २ उश्या ठेवावा. पंखा बंद ठेवावा. ए.सी असेल तर सुरु ठेऊ शकता.

मरनोत्तर नेत्रदानासाठी संपर्क करा दिशा इंटरनॅशनल आय बँक, रसिक बिल्डिंग, आयकर ऑफिस मागे, अंबापेठ, अमरावती. मो. 9899898667, 8275539754, 7378656145 किवा स्वप्नील अरुण गावंडे - 9423424450. ऑनलाईन नेत्रदानाचा संकल्प करण्यासाठी भेट द्या www.deeshagroup.org