'Deesha International Eye Bank' – A message of humanity through the eye donation of a 15-year-old girl.
“लेक गेली, पण तिचे डोळे जग पाहत राहणार ”१५ वर्षीय मुलीचे वडिलांनी केले नेत्रदान
वडिलांचा भावनिक नेत्रदानाचा निर्णय”
राहुल नगर, कॅम्प, अमरावती येशील रहिवासी स्व. कु. गौरी श्रीकांत दांडगे (वय १५) यांचे दुःखद निधन झाले. दांडगे परिवारावर दुःखाचा डोंगर कोसळले, परंतु अशाही परिस्थितीत वडील श्री. श्रीकांत दांडगे यांनी आपली मुलगी स्व. कु. गौरी श्रीकांत दांडगे (वय १५) यांचे नेत्रदान करण्याचा निर्णय घेतला. दिशा ग्रुप व दिशा एज्युकेशन फाऊंडेशन द्वारा संचालित दिशा इंटरनॅशनल आय बँक या धर्मदाय नेत्रपेढीचे सचिव श्री स्वप्निल अरुण गावंडे, दिशा आय बँकेचे डेप्युटी मेडिकल डिरेक्त्तर डॉ अंकित अनिल हरवानी, श्री हिमांशू प्रमोद बंड, श्री अनिल सदाशिवराव देशमुख व श्री यश अशोकराव महल्ले यांनी मरनोतर नेत्रकमळ दान करून घेण्याची प्रक्रिया पूर्ण केली.
नेत्रदानाचे पवित्र कार्य केल्याबद्दल दिशा एज्युकेशन फाऊंडेशन व दिशा इंटरनॅशनल आय बँकच्या संचालक मंडळाद्वारे दांडगे कुटुंबियांचे आभार व्यक्त करण्यात आले. दांडगे परीवाराला नेत्रदान केल्याबद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात दांडगे परिवारातील श्री. श्रीकांत दांडगे, सौ. संगीता वानखडे, श्री. सतीश दांडगे, ॲड. नरेश पारडशिंगे तसेच परिवारातील इतर सदस्यांचेही मोलाचे सहकार्य लाभले. दिशा ग्रुप व दिशा इंटरनॅशनल आय बँकेच्या सर्व पदाधिकाऱ्यांनी स्व. कु. गौरी श्रीकांत दांडगे यांना श्रद्धांजली अर्पण केली.
भारतामध्ये कॉर्नियल अंधत्व ही गंभीर समस्या बनत चालली आहे. एका व्यक्तीच्या नेत्रदानामुळे दोन अंध व्यक्तींना दृष्टी मिळू शकते. विशेष म्हणजे उच्च रक्तदाब, मधुमेह, दमा, चष्मा असणे किंवा मोतीबिंदूचे ऑपरेशन झालेले असले तरीही नेत्रदान करता येते. मृत्यूनंतर सहा ते आठ तासांच्या आत नेत्रदान केले जाऊ शकते.
मृत्यूनंतर तात्काळ डोळे बंद करून त्यावर ओले कापसाचे बोळे ठेवावेत, डोक्याखाली दोन उशा ठेवाव्यात आणि पंखा बंद ठेवावा. ए.सी. सुरू ठेवला तरी चालतो. त्यामुळे मृत्युनंतर ताबडतोब दिशा इंटरनॅशनल आय बँकेला संपर्क करावा.
नेत्रदानासाठी संपर्क: 9899898667 | 7378656145
Comments