Deesha International Eye Bank: Two Eye Donations in One Day

ऐका दिवसात अमरावती मध्ये दोन नेत्रदान दोन परिवाराने सोपवले

दिशा इंटरनॅशनल आय बँक कडे आपल्या परिजनांचे नेत्रकमल

अमरावती जिल्हा येथील रहिवासी स्व. श्री. अजय माणिकराव टापरे (वय ४३) व स्व. श्री. शरद बाजीराव हाडोळे (वय ६६) यांचे नुकतेच दुःखद निधन झाले. कुटूंबातील व्यक्तीच्या निधनामुळे कुटूंबियांना दुःख होणे स्वाभाविक असते. दोन्ही परिवारावर सुद्धा दुःखाचा डोंगर कोसळला परंतु अशाही परिस्थितीत गरजूंना या जगातील रंग पाहता येतील या उद्दात भावनेने टापरे परिवार व हाडोळे परिवाराच्या सदस्यांनी स्व. श्री. अजय माणिकराव टापरे व स्व. श्री. शरद बाजीराव हाडोळे यांचे नेत्रदान करण्याचा निर्णय घेतला. यासाठी त्यांनी अमरावती मधील दिशा एजुकेशन फाउंडेशन द्वारा संचालित दिशा इंटरनॅशनल आय बँक या धर्मदाय नेत्रपेढीला संपर्क केला. दिशा ग्रुपचे सचिव श्री. स्वप्निल अरुण गावंडे, दिशा आय बँकेचे मेडिकल डायरेक्टर डॉ. मनिष बबन तोटे, श्री. हिमांशू बंड, श्री. अनिल देशमुख, कु. प्रणाली चांभारे यांनी मरनोतर नेत्रकमळ दान करून घेण्याची प्रक्रिया पूर्ण केली.

Late Ajay Tapare

नेत्रदानाचे पवित्र कार्य केल्याबद्दल दिशा एजुकेशन फाऊंडेशन व दिशा इंटरनॅशनल आय बँकच्या अध्यक्षा सौ. कुंदा अरुण गावंडे व सचिव स्वप्निल अरुण गावंडे द्वारे टापरे व हाडोळे कुटुंबियांचे आभार व्यक्त करणात आले. टापरे व हाडोळे परीवाला नेत्रदान केल्या बद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात टापरे परिवाराचे श्री. दिलीप टापरे, श्री. ओम ठाकरे, श्री. प्रमोद सखे व हाडोळे परिवाराचे श्रीमती प्रतिभा हाडोळे, ऍड. रविंद्रसिंग बयस, डॉ. रविंद्र काळे व दोन्ही परिवारातील इतर सदस्यांचे मोलाचे सहकार्य लाभले. दिशा ग्रुप व दिशा इंटरनॅशनल आय बँकच्या सर्व संचालक मंडलाने व कार्यकर्त्यांतर्फे स्व. श्री. अजय माणिकराव टापरे व स्व. श्री. शरद बाजीराव हाडोळे यांना श्रद्धांजली अर्पित करणात आली.

Late Sharad Hadole

भारतासमोर अंधत्वाची एक मोठी समस्या उभी आहे. एक व्यक्तीच्या नेत्रदानामुळे दोन कोर्नेअल अंधांना दृष्टी प्राप्त होऊ शकते. मृत्यू नंतर नेत्रदानासाठी काही काळजी घेणे गरजेचे आहे जसे मृत्यू नंतर सहा तासान पर्येंत नेत्रदान केला जाऊ शकते. त्यामोळे मृत्यू नंतर ताबडतोप दिशा इंटरनॅशनल आय बँकेला संपर्क करावा. मृत व्यक्तीचे डोळे उघडे असल्यास ते बंद करावे व त्यावर ओले कापसाचे बोळे ठेवावे. मृत व्यक्तीच्या डोक्या खाली २ उश्या ठेवावा. पंखा बंद ठेवावा. ए.सी असेल तर सुरु ठेऊ शकता.

नेत्रदानासाठी संपर्क: ७३७८६५६१४५ । ७३७८६५६१४४ । ९८९९८९८६६७