"The Life-Changing Impact of Late Vidhyabhushan Patwardhan Eye Donation: Inspiring Others to Give the Gift of Sight"

स्व. श्री. विद्याभूषण परशुराम पटवर्धन यांचे

वयाच्या ५४ व्या वर्षी दिशा इंटरनॅशनल आय बँक मध्ये नेत्रदान

आसेगाव पुर्णा, चांदुर बाजार, जिल्हा अमरावती रहिवासी स्व. श्री. विद्याभूषण परशुराम पटवर्धन यांचे वयाच्या ५४ व्या वर्षी निधन झाले. कुटूंबातील व्यक्तीच्या निधनामुळे कुटूंबियांना दुःख होणे स्वाभाविक असते. पटवर्धन परिवारावर सुद्धा दुःखाचा डोंगर कोसळले परंतु अशाही परिस्तितीत गरजूंना या जगातील रंग पाहता येतील या उद्दात भावनेने पटवर्धन परिवाराच्या सदस्यांनी स्व. श्री. विद्याभूषण परशुराम पटवर्धन यांचे नेत्रदान करण्याचा निर्णय घेतला. यासाठी त्यांनी अमरावती मधील दिशा ग्रुप व दिशा एज्युकेशन फाऊंडेशन द्वारा संचालित दिशा इंटरनॅशनल आय बँक या धर्मदाय नेत्रपेढीला संपर्क केला. दिशा ग्रुपचे सचिव श्री. स्वप्निल अरुण गावंडे, दिशा आय बँकेचे मेडिकल डिरेक्त्तर डॉ. मनिष बबन तोटे, श्री. हिमांशू प्रमोद बंड, श्री. अनिल सदाशिवराव देशमुख यांनी मारनोतर नेत्रकमळ दान करून घेण्याची प्रक्रिया पूर्ण केली.

Patwardhan Family donated the eyes of Late Vidhyabhushan Parshuram Patwardhan in Deesha International Eye Bank

नेत्रदानाचे पवित्र कार्य केल्याबद्दल दिशा एजुकेशन फाऊंडेशन व दिशा इंटरनॅशनल आय बँकच्या अध्यक्षा सौ. कुंदा अरुण गावंडे व सचिव स्वप्निल अरुण गावंडे द्वारे पटवर्धन कुटुंबियांचे आभार व्यक्त करणात आले. पटवर्धन परीवाला नेत्रदान केल्या बद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात पटवर्धन परिवारातील श्रीमती सुलभा पटवर्धन, श्री. अक्षय मेश्राम, श्री. ललित घोडेस्वार व पटवर्धन परिवारातील इतर सदस्यांचे मोलाचे सहकार्य लाभले. दिशा ग्रुप व दिशा इंटरनॅशनल आय बँकच्या सर्व संचालक मंडळ व कार्यकर्त्यांतर्फे स्व. श्री. विद्याभूषण परशुराम पटवर्धन यांना श्रद्धांजली अर्पित करण्यात आली.

Late Shree Vidhyabhushan Patwardhan

भारतासमोर अंधत्व हि फार मोठी समस्या उभी आहे. एका व्यक्तीच्या नेत्रदानामुळे दोन कॉर्नियल अंधांना दृष्टी प्राप्त होऊ शकते. उच्च रक्तदाब, मधुमेह, अस्थमा असे आजार असलेल्या व्यक्तीचे देखील नेत्रदान केले जाऊ शकते तसेच चष्मा असलेले व मोतीबिंदूचे ऑपरेशन झालेल्या व्यक्तीचे सुध्दा नेत्रदान केले जाऊ शकते. मृत्यूनंतर सहा ते आठ तासापर्यंत नेत्रदान केले जाऊ शकते. त्यामुळे मृत्युनंतर ताबडतोब दिशा इंटरनॅशनल आय बँकेला संपर्क करावा. मृत व्यक्तीचे डोळे उघडे असल्यास ते बंद करावे व त्यावर ओले कापसाचे बोळे ठेवावे. मृत व्यक्तीच्या डोक्याखाली २ उशा ठेवाव्या आणि पंखा बंद ठेवावा तसेच ए.सी. असेल तर सुरु ठेऊ शकता.

नेत्रदानासाठी संपर्क: ९८९९८९८६६७ । ७३७८६५६१४५ । ८२७५५३९७५४