Clear Vision For Little Learner: A Recap Of The AMC School Eye Checkup Camp Organized By DEESHA Mobile Eye Care Unit.

दिशा ग्रुपच्या फिरते नेत्र चिकित्सालय द्वारा म.न.पा उर्दू प्राथमिक शाळा क्र. ११, बडनेरा व म.न.पा उर्दू प्राथमिक मुलींची शाळा क्र. ४ बडनेरा अमरावती, मध्ये एकूण १९५ विद्यार्थ्यांची नेत्र तपासणी

दिशा एज्युकेशन फाउंडेशन अमरावती द्वारा संचालित फिरते नेत्र चिकित्सालय मध्ये  दि. ११ एप्रिल २०२५ रोजी बडनेरा अमरावती येथिल म.न.पा. उर्दू प्राथमिक शाळा क्र. ११ व म.न.पा उर्दू प्राथमिक मुलींची शाळा क्र. ४ मध्ये विद्यार्थ्यांचे नेत्र तपासणी शिबिराचे आयोजन करण्यात आले होते. यावेळी शाळेमधील विद्यार्थ्यांची नेत्र तपासणी करण्यात आली.

Eye Checkup Camp at AMC School No. 4 And AMC School No.11, Badnera, Amravati

या नेत्र तपासणी शिबिरामध्ये दोन्ही शाळा मिळुन एकूण १९५ विद्यार्थ्यांची तपासणी करण्यात आली. या नेत्रतपासणी मध्ये चष्म्याचे योग्य नंबर काढून देण्यात आले. आपण आपल्या डोळ्याची कश्या प्रकारे काळजी घेऊ शकतो या साठी मार्गदर्शन करण्यात आले. काही रुग्णांना पुढील तपासणीसाठी स्थानिक धर्मदाय नेत्र रुग्णालय मध्ये पाठवण्यात येणार आहे. दिशा ग्रुपच्या युवा कार्यकर्त्यांनी नागरिकांना नेत्रदानाची माहिती देऊन त्याबद्दलचे गैर समज दूर केले.

आयोजित सभेच्या अध्यक्षस्थानी म.न.पा. उर्दू प्राथमिक शाळा क्र. ११ चे मुख्याध्यापक श्री  अफाक अहमद सर  व म.न.पा उर्दू प्राथमिक मुलींची शाळा क्र. ४ शाळेचे मुख्यध्यापक श्री. मोहम्मद तसऊफ सर व सर्व शिक्षक मंडळी उपस्थित होते. तसेच दिशा ग्रुपचे श्री.स्वप्नील अरुण गावंडे, नेत्र चिकित्सक कु. प्रणाली चांभारे, श्री. हिमांशू बंड, श्री. अनिल देशमुख, आदी कार्यकर्त्यांनी मेहनत घेतली.

भारतासमोर अंधत्व हि फार मोठी समस्या उभी आहे. एक व्यक्तीच्या नेत्रदानामुळे दोन कॉर्नियल अंधांना दृष्टी प्राप्त होऊ शकते. उच्च रक्तदाब, मधुमेह, अस्थमा इत्यादी आजार असलेले व्यक्ती देखील नेत्रदान करू शकतात. चष्मा असलेले व मोतीबिंदूचे ऑपरेशन झालेल्या व्यक्तीचे सुध्दा नेत्रदान केले जाऊ शकते.