The Inspiring Story of the Dharamshi and Raut Family: How Eye Donation Helped Others See the World

दिशा इंटरनॅशनल आय बँक अमरावती मध्ये

दोन दिवसात दोन नेत्रदान

अमरावती व पुणे येथील रहिवासी स्व. श्री. मेहूल हरीश धरमशी (वय ५१) व स्व. श्रीमती मीनाक्षी एकनाथ राऊत (वय ५०) यांचे नुकतेच दुःखद निधन झाले. कुटूंबातील व्यक्तीच्या निधनामुळे कुटूंबियांना दुःख होणे स्वाभाविक असते. दोन्ही परिवारावर सुद्धा दुःखाचा डोंगर कोसळला परंतु अशाही परिस्थितीत गरजूंना या जगातील रंग पाहता येतील या उद्दात भावनेने धरमशी परिवार व राऊत परिवाराच्या सदस्यांनी स्व. श्री. मेहूल हरीश धरमशी व स्व. श्रीमती मीनाक्षी एकनाथ राऊत यांचे नेत्रदान करण्याचा निर्णय घेतला. यासाठी त्यांनी अमरावती मधील दिशा एजुकेशन फाउंडेशन द्वारा संचालित दिशा इंटरनॅशनल आय बँक या धर्मदाय नेत्रपेढीला संपर्क केला. दिशा ग्रुपचे सचिव श्री. स्वप्निल अरुण गावंडे, दिशा आय बँकेचे डेप्युटी मेडिकल डायरेक्टर डॉ. अंकित हरवानी, श्री. हिमांशू बंड, श्री. अनिल देशमुख यांनी मरनोतर नेत्रकमळ दान करून घेण्याची प्रक्रिया पूर्ण केली.

Late Mr. Mehul Dharamshi

नेत्रदानाचे पवित्र कार्य केल्याबद्दल दिशा एजुकेशन फाऊंडेशन व दिशा इंटरनॅशनल आय बँकच्या अध्यक्षा सौ. कुंदा अरुण गावंडे व सचिव स्वप्निल अरुण गावंडे द्वारे कुटुंबियांचे आभार व्यक्त करणात आले. धरमशी व राऊत परीवाराला नेत्रदान केल्या बद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात राऊत परिवाराचे श्री. विशाल राऊत, श्रीमती गीता गवई, श्री. अविनाश साकुंडे, श्री. आशुतोष खाडे व धरमशी परिवाराचे श्रीमती रजनी धरमशी, श्री. खुश धरमशी, श्रीमती प्रमिला राऊत व दोन्ही परिवारातील इतर सदस्यांचे मोलाचे सहकार्य लाभले. दिशा ग्रुप व दिशा इंटरनॅशनल आय बँकच्या सर्व संचालक मंडलाने व कार्यकर्त्यांतर्फे स्व. श्री. मेहूल हरीश धरमशी व स्व. श्रीमती मीनाक्षी एकनाथ राऊत यांना श्रद्धांजली अर्पित करणात आली.

Late Minakshi Raut

भारतासमोर अंधत्वाची एक मोठी समस्या उभी आहे. एक व्यक्तीच्या नेत्रदानामुळे दोन कॉर्नियल अंधांना दृष्टी प्राप्त होऊ शकते. मृत्यू नंतर नेत्रदानासाठी काही काळजी घेणे गरजेचे आहे, जसे मृत्यू नंतर सहा तासापर्येंत नेत्रदान केले जाऊ शकते. त्यामुळे मृत्यू नंतर ताबडतोप दिशा इंटरनॅशनल आय बँकेला संपर्क करावा. मृत व्यक्तीचे डोळे उघडे असल्यास ते बंद करावे व त्यावर ओले कापसाचे बोळे ठेवावे. मृत व्यक्तीच्या डोक्या खाली २ उश्या ठेवावा. पंखा बंद ठेवावा. ए.सी असेल तर सुरु ठेऊ शकता.

नेत्रदानासाठी संपर्क: ७३७८६५६१४५ । ७३७८६५६१४४ । ९८९९८९८६६७