Kadam Family donated the eyes of Late Mangala Prabhakar Kadam in Deesha International Eye Bank, (ERC) Yavatmal
- anildeshmukh
- 2 days ago
- 2 min read
स्व. सौ. मंगला प्रभाकर कदम यांचे
दिशा इंटरनॅशनल आय बँक (ERC) यवतमाळ मध्ये नेत्रदान
अभिनव कॉलनी, यवतमाळ येशील रहिवासी स्व. सौ. मंगला प्रभाकर कदम यांचे दुःखद निधन झाले. कदम परिवारावर दुःखाचे डोगर कोसळले, परंतु अशाही परिस्थितीत मुलगा प्रतीक कदम व मुलगी प्रार्थना कदम यांनी स्व. सौ. मंगला प्रभाकर कदम यांचे नेत्रदान करण्याचा निर्णय घेतला. त्यासाठी त्यांनी संजीवन मल्टीस्पेशालिटी हॉस्पिटल अँड रिसर्च इन्स्टिट्यूट, यवतमाळ व दिशा एज्युकेशन फाउंडेशन, अमरावती द्वारा संचालित दिशा इंटरनॅशनल आय बँक, (ERC) यवतमाळ या धर्मदाय नेत्रपेढीला संपर्क केला. दिशा ग्रुपचे सचिव श्री स्वप्निल अरुण गावंडे, दिशा आय बँकेचे मेडिकल डिरेक्त्तर डॉ. आशिष पोटफोडे, डॉ. विजय कावलकर, डॉ. आलोक गुप्ता, श्री. विशाल विर, श्री. हर्षद नेहारे यांनी मरणोत्तर नेत्रकमळ दान करून घेण्याची प्रक्रिया पूर्ण केली.
नेत्रदानाचे पवित्र कार्य केल्याबद्दल दिशा एज्युकेशन फाऊंडेशन व दिशा इंटरनॅशनल आय बँकच्या संचालक मंडळाद्वारे कदम कुटुंबियांचे आभार व्यक्त करण्यात आले. कदम परीवाराला नेत्रदान केल्याबद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात कदम परिवारातील सौ. मनिषा जगताप, सौ. रजनी शिर्के, सौ. वैष्णवी जगताप व इतर सदस्यांचे मोलाचे सहकार्य लाभले. दिशा ग्रुप व दिशा इंटरनॅशनल आय बँकेच्या सर्व पदाधिकाऱ्यांनी स्व. सौ. मंगला प्रभाकर कदम यांना श्रद्धांजली अर्पण केली.
भारतामध्ये कॉर्नियल अंधत्व ही गंभीर समस्या बनत चालली आहे. एका व्यक्तीच्या नेत्रदानामुळे दोन अंध व्यक्तींना दृष्टी मिळू शकते. विशेष म्हणजे उच्च रक्तदाब, मधुमेह, दमा, चष्मा असणे किंवा मोतीबिंदूचे ऑपरेशन झालेले असले तरीही नेत्रदान करता येते. मृत्यूनंतर सहा ते आठ तासांच्या आत नेत्रदान केले जाऊ शकते.
मृत्यूनंतर तात्काळ डोळे बंद करून त्यावर ओले कापसाचे बोळे ठेवावेत, डोक्याखाली दोन उशा ठेवाव्यात आणि पंखा बंद ठेवावा. ए.सी. सुरू ठेवला तरी चालतो. मृत्युनंतर ताबडतोब दिशा इंटरनॅशनल आय बँकेला संपर्क करावा.
नेत्रदानासाठी संपर्क: 9899898667 | 7378656145
Comments