Sundarkar Family donated the eyes of Late Manda Pralhadrao Sundarkar in DEF's Deesha International Eye Bank
- anildeshmukh
- 6 days ago
- 1 min read
स्व. श्रीमती मंदा प्रल्हादराव सुंदरकर
यांचे दिशा इंटरनॅशनल आय बँक अमरावती मध्ये नेत्रदान
अमरावती येशील रहिवासी स्व. श्रीमती मंदा प्रल्हादराव सुंदरकर यांचे दुःखद निधन झाले. सुंदरकर परिवारावर दुःखाचा डोंगर कोसळले, परंतु अशाही परिस्थितीत मुलगी सौ. सीमा बोरकर यांनी आपल्या आईचे स्व. श्रीमती मंदा प्रल्हादराव सुंदरकर यांचे नेत्रदान करण्याचा निर्णय घेतला. दिशा ग्रुप व दिशा एज्युकेशन फाऊंडेशन द्वारा संचालित दिशा इंटरनॅशनल आय बँक या धर्मदाय नेत्रपेढीचे सचिव श्री स्वप्निल अरुण गावंडे, दिशा आय बँकेचे डेप्युटी मेडिकल डिरेक्त्तर डॉ अंकित हरवानी, श्री हिमांशू प्रमोद बंड, श्री अनिल सदाशिवराव देशमुख यांनी मरनोतर नेत्रकमळ दान करून घेण्याची प्रक्रिया पूर्ण केली.
नेत्रदानाचे पवित्र कार्य केल्याबद्दल दिशा एज्युकेशन फाऊंडेशन व दिशा इंटरनॅशनल आय बँकच्या संचालक मंडळाद्वारे सुंदरकर कुटुंबियांचे आभार व्यक्त करण्यात आले. सुंदरकर परीवाराला नेत्रदान केल्या बद्दल मानवी अवयव प्रत्यारोपण कायदा अंतर्गत नेत्रदानाचे प्रमाणपत्र देण्यात आले. या सेवाभावी कार्यात सुंदरकर परिवारातील सौ. दर्शना आठवले, सौ. मोनाली रुद्रकार, श्री. नितीन रुद्रकार तसेच परिवारातील इतर सदस्यांचेही मोलाचे सहकार्य लाभले. दिशा ग्रुप व दिशा इंटरनॅशनल आय बँकेच्या सर्व पदाधिकाऱ्यांनी स्व. श्रीमती मंदा प्रल्हादराव सुंदरकर यांना श्रद्धांजली अर्पण केली.
भारतामध्ये कॉर्नियल अंधत्व ही गंभीर समस्या बनत चालली आहे. एका व्यक्तीच्या नेत्रदानामुळे दोन अंध व्यक्तींना दृष्टी मिळू शकते. विशेष म्हणजे उच्च रक्तदाब, मधुमेह, दमा, चष्मा असणे किंवा मोतीबिंदूचे ऑपरेशन झालेले असले तरीही नेत्रदान करता येते. मृत्यूनंतर सहा ते आठ तासांच्या आत नेत्रदान केले जाऊ शकते.
मृत्यूनंतर तात्काळ डोळे बंद करून त्यावर ओले कापसाचे बोळे ठेवावेत, डोक्याखाली दोन उशा ठेवाव्यात आणि पंखा बंद ठेवावा. ए.सी. सुरू ठेवला तरी चालतो. त्यामुळे मृत्युनंतर ताबडतोब दिशा इंटरनॅशनल आय बँकेला संपर्क करावा.
नेत्रदानासाठी संपर्क: 9899898667 | 7378656145